Main Menu

ഷാര്‍ജ വിമാനത്താവളം വികസിപ്പിക്കാന്‍ 150 കോടി ദിര്‍ഹമിന്റെ പദ്ധതി വരുന്നു

ഷാര്‍ജ: അന്താരാഷ്ട്ര വിമാനത്താവളം 150 കോടി ദിര്‍ഹമിന്റെ പദ്ധതിയുമായി വന്‍ വികസനത്തിന് ഒരുങ്ങുന്നു. 2027ഓടെ വര്‍ഷം രണ്ടര കോടി യാത്രക്കാരെ കൈകാര്യം ചെയ്യാനുള്ള ശേഷി കൈവരിക്കുകയാണ് ലക്ഷ്യത്തോടെയാണ് പദ്ധതികള്‍ തയാറാക്കിയിരിക്കുന്നത്. ഇതിനായി പുതിയ അറൈവല്‍ ടെര്‍മിനലിന്റെ നിര്‍മാണം ഉടന്‍ ആരംഭിക്കും.

നിലവില്‍ വര്‍ഷം കൈകാര്യം ചെയ്യാവുന്ന യാത്രക്കാരുടെ പരിധിയേക്കാള്‍ കൂടുതല്‍ പേരാണ് ഷാര്‍ജ വിമാനത്താവളത്തിലൂടെ കടന്നു പോകുന്നത്. ഈ സാഹചര്യത്തിലാണ് കൂടുതല്‍ സൗകര്യങ്ങളുമായി പുതിയ അറൈവല്‍ ടെര്‍മിനല്‍ നിര്‍മിക്കുന്നത്. ഇതോടെ നിലവിലുള്ളത് ഡിപ്പാര്‍ച്ചര്‍ ടെര്‍മിനല്‍ മാത്രമായി മാറും.

വിമാനത്താവളത്തിലേക്കുള്ള പുതിയ പാലത്തിന്റെ നിര്‍മാണം ഡിസംബറോടെ പൂര്‍ത്തിയാക്കും. കൂടുതല്‍ പാലം, റോഡുകള്‍ എന്നിവ വികസിപ്പിക്കുന്നതോടൊപ്പം പുതിയ ടെര്‍മിനലിന്റെ നിര്‍മാണത്തിനും തുടക്കം കുറിക്കും.



Comments

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലനാട് ഓൺലൈനിന്റേതല്ല . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്