Main Menu

ശബരിമലയിലെ പാസ് വിതരണം സംബന്ധിച്ച് പൊലീസില്‍ ആശയക്കുഴപ്പം

തിരുവനന്തപുരം: ശബരിമലയിലെ പാസ് വിതരണം സംബന്ധിച്ച് പൊലീസില്‍ ആശയക്കുഴപ്പം. പാസ് ആന്വേഷിച്ച് സ്റ്റേഷനിലെത്തിയവരോട് മുകളില്‍ നിന്ന് ഇത് സംബന്ധിച്ച നിര്‍ദേശമൊന്നും ലഭിച്ചിട്ടില്ലെന്നാണ് ചില സ്റ്റേഷന്‍ ഓഫീസര്‍മാര്‍ അറിയിച്ചത്.

എല്ലാ സ്റ്റേഷനുകള്‍ക്കും കൃത്യമായ നിര്‍ദേശം നല്‍കിയിരുന്നതായി പാസ് വിതരണത്തിന്റെ ചുമതലയുള്ള ഐജി പി.വിജയന്‍ പറഞ്ഞു. ഇതിനുള്ള പ്രത്യേക മാതൃക എല്ലാ സ്റ്റേഷനിലും അയച്ചു കൊടുത്തിട്ടുണ്ടെന്നും അദ്ദേഹം വ്യക്തമാക്കി. വാഹനത്തിന്റെ രജിസ്റ്റര്‍ നമ്പറും യാത്രക്കാരുടെ പേരും മേല്‍വിലാസവുമാണ് പാസില്‍ രേഖപ്പെടുത്തുന്നത്. തീര്‍ഥാടകരുടെ വാഹനങ്ങള്‍ക്ക് നിലയ്ക്കലില്‍ പാര്‍ക്കിങ് സൗകര്യം ഉറപ്പാക്കുന്നതിനാണ് പാസ് സംവിധാനം ഏര്‍പ്പെടുത്തിയത്.

യാത്രചെയ്യുന്ന ദിവസം ഉള്‍പ്പെടെ വ്യക്തമാക്കിയുളള പാസ് വാഹനത്തിന്റെ മുന്‍വശത്തെ ഗ്ലാസില്‍ പതിക്കണം. പാസ് ഇല്ലാത്ത വാഹനങ്ങള്‍ക്ക് പാര്‍ക്കിംഗിനായി കാത്തിരിക്കേണ്ടി വരുകയോ അവയെ മറ്റ് സ്ഥലങ്ങളിലേക്ക് വഴി തിരിച്ചുവിടുകയോ ചെയ്യും. സംസ്ഥാനത്തിനകത്ത് നിന്നും പുറത്തുനിന്നുമുളള തീര്‍ഥാടകര്‍ അവരവരുടെ പ്രദേശത്തെ പൊലീസ് സ്റ്റേഷനിലാണ് പാര്‍ക്കിംഗ് പാസിനായി അപേക്ഷിക്കേണ്ടത്.



Comments

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലനാട് ഓൺലൈനിന്റേതല്ല . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്