Main Menu

ലോക സൗന്ദര്യമല്‍സരത്തില്‍ ശ്രദ്ധ ശശിധര്‍ ഇന്ത്യയെ പ്രതിനിധീകരിക്കും

ലോക സൗന്ദര്യമല്‍സരത്തില്‍ ബംഗളുരുവില്‍ നിന്നുള്ള ശ്രദ്ധ ശശിധര്‍ ഇന്ത്യയെ പ്രതിനിധീകരിക്കും. യമഹ ഫാസിനോ മിസ് ദിവ മിസ് യൂനിവേഴ്‌സ് ഇന്ത്യ മല്‍സരത്തില്‍ കിരീടമണിഞ്ഞാണ് ശ്രദ്ധ അമേരിക്കയില്‍ നവംബര്‍ 26ന് നടക്കുന്ന ലോക മല്‍സരത്തിലേക്ക് അര്‍ഹത നേടിയത്.

ഇന്ത്യന്‍ മല്‍സരത്തില്‍ വിജയിയായ ശ്രദ്ധയെ ബോളിവുഡ് താരം ഷാഹിദ് കപൂര്‍ കിരീടമണിയിച്ചു. മുന്‍ ലോക സുന്ദരിയും നടിയുമായ ലാറ ദത്ത, നടന്‍ രാജ്കുമാര്‍ റാവു, സിനിമാ സംവിധായകന്‍ കബീര്‍ ഖാന്‍, ബോക്സിങ് താരം വിജേന്ദര്‍ സിങ്, 2016ലെ ലോക സുന്ദരി ഐറിസ് മിറ്റനയര്‍ എന്നിവര്‍ അടങ്ങിയതായിരുന്നു ജഡ്ജിങ് പാനല്‍.

അത്ഭുതകരമായ ദൗത്യമായിരുന്നു ഇതെന്ന് ലാറ ദത്ത പറഞ്ഞു. എല്ലാ മല്‍സരാര്‍ഥികളും അവരുടെ വീക്ഷണത്തില്‍ വിജയികളാണ്. എന്നിരുന്നാലും ഒരു വിജയിയെ ആവശ്യമാണ്. 15 പേരില്‍ നിന്ന് ഒരാളെ തെരഞ്ഞെടുക്കല്‍ ബുദ്ധിമുട്ടേറിയതായിരുന്നു. ഓരോരുത്തരും മികച്ച പ്രതിഭകളും വാഗ്ദാനങ്ങളുമാണെന്നും ലാറ പറഞ്ഞു.



Comments

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലനാട് ഓൺലൈനിന്റേതല്ല . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്