Main Menu

മൂന്ന് ദിവസത്തിനകം അമ്മ എക്‌സിക്യൂട്ടീവ് വിളിക്കും: ജഗദീഷ്

കൊച്ചി: പൊട്ടിത്തെറിയുടെ വക്കിലെത്തി നില്‍ക്കുന്ന താരസംഘടനയായ അമ്മയിലെ പ്രശ്‌നങ്ങള്‍ക്ക് പരിഹാരം കാണാന്‍ അടിയന്തര എക്‌സിക്യൂട്ടീവ് കമ്മിറ്റി മൂന്ന് ദിവസത്തിനകം ചേരുമെന്ന് അമ്മ വക്താവും ട്രഷററുമായ ജഗദീഷ് പറഞ്ഞു. അമ്മ പ്രസിഡന്റിന്റെ അനുവാദത്തോടെ താന്‍ ഇറക്കിയ വാര്‍ത്താക്കുറിപ്പിനെ കുറിച്ചും അംഗങ്ങള്‍ക്കിടയിലെ അഭിപ്രായ വ്യത്യാസത്തെക്കുറിച്ചും യോഗത്തില്‍ ചര്‍ച്ചയാകുമെന്ന് അദ്ദേഹം അറിയിച്ചു. അമ്മയില്‍ നിന്ന് രാജിവച്ച നടിമാര്‍ മാപ്പ് പറഞ്ഞാല്‍ മാത്രമെ തിരിച്ചെടുക്കൂവെന്നത് സിദ്ദിഖിന്റെ മാത്രം അഭിപ്രായമാണെന്നും അമ്മയ്ക്ക് അത്തരത്തിലൊരു നിലപാടില്ലെന്നും ജഗദീഷ് വിശദീകരിച്ചു.

മോഹന്‍ലാല്‍ രാജിവെക്കുമെന്ന തരത്തില്‍ മാദ്ധ്യമങ്ങളില്‍ പ്രചരിക്കുന്ന വാര്‍ത്തകള്‍ക്ക് യാതൊരു അടിസ്ഥാനവുമില്ലെന്നും ജഗദീഷ് ഫ്‌ലാഷിനോട് പറഞ്ഞു. സിനിമ ഉള്‍പ്പെടെ എല്ലാ മേഖലകളിലും വനിതാ പ്രശ്‌നപരിഹാര സമിതി (ഐ.സി.സി) ആവശ്യമായ കാലഘട്ടമാണിത്. അതിനെ എതിര്‍ക്കാന്‍ ആര്‍ക്കും അവകാശമില്ല. ഐ.സി.സി നടപ്പാക്കുകയെന്നത് ഒരു വ്യക്തിയുടെ ആഗ്രഹത്തിന്റെ പ്രശ്‌നമല്ലെന്നും നിയമവിധേയമായ കാര്യമാണെന്നും ജഗദീഷ് കൂട്ടിച്ചേര്‍ത്തു.



Comments

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലനാട് ഓൺലൈനിന്റേതല്ല . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്