Main Menu

ബോളിവുഡില്‍ അടുത്ത വിവാഹ മാമാങ്കത്തിന് ഒരുക്കമായി; പ്രിയങ്ക-നിക്ക് വിവാഹത്തിന് ക്ഷണക്കത്തിനൊപ്പം പാരിസില്‍ നിന്നും ‘വിവാഹ ലഡ്ഡു’വും (ചിത്രങ്ങള്‍)

 

പാരീസ്: രണ്‍വീര്‍-ദീപിക വിവാഹ ഉത്സവം കൊടിയിറങ്ങുമ്പോള്‍ അടുത്ത വിവാഹത്തിന്റെ കൊടികയറ്റത്തിന് സമയമായെന്ന വാര്‍ത്തകളാണ് പുറത്ത് വരുന്നത്. പ്രിയങ്ക ചോപ്രയും നിക്ക് ജോനാസും അടുത്ത് തന്നെ വിവാഹിതരാകുന്നു എന്ന വാര്‍ത്തയിലേക്കാണ് ഇപ്പോള്‍
ആരാധകർ ഉറ്റു നേക്കുന്നത്.

ഡിസംബര്‍ 29ന് ജോദ്പൂരിലെ ഉമൈദ് ഭവന്‍ പാലസില്‍ വെച്ചായിരിക്കും ഇരുവരും വിവാഹിതരാകുക. മാത്രമല്ല വിവാഹത്തിന്റെ ക്ഷണനത്തിനൊപ്പം സന്തോഷം പങ്കു വയ്ക്കാന്‍ പാരീസില്‍ നിന്നും ലഡ്ഡുവും വരുന്നതായാണ് വാര്‍ത്തകള്‍ പറയുന്നത്. വിവാഹം എങ്ങനെ വ്യത്യസ്തമാക്കാം എന്ന തലപുകഞ്ഞുള്ള ആലോചവകള്‍ക്കൊടുവിലാണ് ഈ ആശയം ലഭിച്ചതത്രേ. ഫര്‍ഹാന്‍ അക്തറും കോസ്റ്റ്യൂം ഡിസൈനര്‍ ഏക ലക്ഷണിയും ഇന്‍സ്റ്റഗ്രാമില്‍ പോസ്റ്റ് ചെയത ലഡ്ഡുവിന്റെ ചിത്രങ്ങളില്‍ നിന്നാണ് വാര്‍ത്ത പുറത്ത് വന്നത്.

വിവാഹത്തിന്റെ വ്യതസ്തത ലഡ്ഡുവില്‍ മാത്രം ഒതുങ്ങുന്നതല്ല. വിവാഹ ഭക്ഷണത്തിലും മറ്റെല്ലാ ഒറുക്കങ്ങളിലും ഈ വ്യത്യസ്തത കൊണ്ടു വരുമെന്നാണ് സൂചന. വിവാഹത്തിന്റെ സംഗീത ചടങ്ങില്‍ 45 മിനിറ്റ് നീളമുള്ള നൃത്തമാണ് വധൂവരന്മാര്‍ നടത്തുന്നത്.

വിവാഹത്തിന്റെ തിരക്കുകളിലേക്ക് കയറും മുന്‍പ് ചെറിയ ഷോപ്പിങ്ങിന്റെ പിന്നാലെയാണ് പ്രിയങ്കയും അമ്മയുമെന്ന് വാര്‍ത്തകളില്‍ പറയുന്നു. ഫര്‍ഹാന്‍ അക്തറുമൊത്തുള്ള ദി സ്‌കൈ ഈസ് പിങ്ക് എന്ന ചിത്രത്തിന്റെ അവസാന ഘട്ട ഷൂട്ടിങ് തിരക്കുകളിലാണ് പ്രിയങ്ക ചോപ്ര. എന്തായാലും ഇരുവരും വിവാഹിതരാകുന്ന ആ ദിവസത്തിനായി കാത്തിരിക്കുകയാണ് ബോളിവുഡ്.



Comments

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലനാട് ഓൺലൈനിന്റേതല്ല . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്