Main Menu

പോര്‍ച്ചുഗലിനും മെക്‌സിക്കോയ്ക്കും ജയം; റൊണാള്‍ഡോയ്ക്ക് ഗോള്‍

Indian Telegram Android App Indian Telegram IOS App

കോണ്‍ഫെഡറേഷന്‍സ് കപ്പില്‍ പോര്‍ച്ചുഗലിനും മെക്‌സിക്കോയ്ക്കും ആദ്യ ജയം. ക്രിസ്ത്യാനോ റൊണാള്‍ഡോയുടെ ഗോളില്‍ ആതിഥേയരായ റഷ്യക്കെതിരെ എതിരില്ലാത്ത ഒരു ഗോളിനായിരുന്നു പോര്‍ച്ചുഗലിന്റെ ജയം. ന്യൂസിലാന്‍ഡിനെ ഒന്നിനെതിരെ രണ്ടുഗോളിനായിരുന്നു മെക്‌സിക്കോ പരാജയപ്പെടുത്തിയത്.

കോണ്‍ഫഡറേഷന്‍സ് കപ്പില്‍ ആദ്യജയമാണ് പോര്‍ച്ചുഗല്‍ ആതിഥേയരായ റഷ്യക്കെതിരെ സ്വന്തമാക്കിയത്. കളിയുടെ എട്ടാം മിനിറ്റില്‍ സൂപ്പര്‍ താരം ക്രിസ്ത്യാനൊ റൊണാള്‍ഡോയുടെ ഹെഡ്ഡറിലൂടെയാണ് ഗോള്‍. മെക്‌സിക്കോക്കെതിരായ ആദ്യ മല്‍സരത്തില്‍ പോര്‍ച്ചുഗല്‍ സമനില വഴങ്ങിയിരുന്നു. ന്യൂസിലാന്‍ഡിനെതിരെ ഒരുഗോളിന് പിന്നിട്ട് നിന്ന ശേഷമാണ് മെക്‌സിക്കോ മുന്നേറിയത്. 42 ആം മിനിറ്റില്‍ ക്രിസ് വുഡിന്റെ ഗോളിലാണ് ന്യൂസിലാന്‍ഡ് മുന്നിലെത്തിയത്.

രണ്ടാം പകുതിയുടെ തുടക്കത്തില്‍ ജിമേനസ് റോഡ്രിഗസിലൂടെ മെക്‌സിക്കോ ആദ്യ തിരിച്ചടി നല്‍കി. 72 ആം മിനിറ്റില്‍ പെരാള്‍ട്ടയാണ് മെക്‌സിക്കോയുടെ വിജയഗോള്‍ നേടിയത്. ജയത്തോടെ മെക്‌സിക്കോക്ക് നാല് പോയന്റായി. ഗ്രൂപ്പിലെ അവസാന മത്സരത്തില്‍ റഷ്യയാണ് മെക്‌സിക്കോയുടെ എതിരാളികള്‍.



Comments

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലനാട് ഓൺലൈനിന്റേതല്ല . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്