Main Menu

ദുബായില്‍ അഞ്ച് ബില്യന്‍ ചെലവില്‍ എമിറേറ്റ്‌സ് ടവര്‍ ബിസിനസ് പാര്‍ക്ക് വരുന്നു

ദുബായ്: അഞ്ച് ശതകോടി ദിര്‍ഹം ചെലവില്‍ ദുബായ് നഗരത്തില്‍ പുതിയ ബിസിനസ് പാര്‍ക്ക് പ്രഖ്യാപിച്ചു. നാലുവര്‍ഷം കൊണ്ട് നിര്‍മാണം പൂര്‍ത്തിയാക്കാന്‍ ലക്ഷ്യമിടുന്ന പദ്ധതി ദുബായ് ഭരണാധികാരി ശൈഖ് മുഹമ്മദ് ബിന്‍ റാശിദ് ആല്‍ മക്തൂമാണ് പ്രഖ്യാപിച്ചത്. എമിറേറ്റ്‌സ് ടവര്‍ ബിസിനസ് പാര്‍ക്ക് എന്ന് പേരിട്ടിരിക്കുന്ന പദ്ധതി അന്താരാഷ്ട്ര കമ്പനികളുടെ മേഖലാ ആസ്ഥാനങ്ങള്‍ക്ക് സൗകര്യമൊരുക്കുന്നതാണ്.

ദുബായ് വേള്‍ഡ് ട്രേഡ് സെന്ററിന് സമീപം ശൈഖ് സായിദ് റോഡിനും ഹാപ്പിനസ് റോഡിനും ഇടയിലാണ് പദ്ധതി നടപ്പാക്കുക. അന്തര്‍ദേശീയ നിലവാരമുള്ള ഓഫിസ് ഇടങ്ങളാണ് ഇവിടെ നിര്‍മിക്കുക. അന്താരാഷ്ട്ര കമ്പനികളുടെ ആസ്ഥാനങ്ങളും മേഖലാ ആസ്ഥാനങ്ങളും ഇവിടെ സജ്ജമാക്കുകയാണ് പദ്ധതിയുടെ ലക്ഷ്യം.

മൂന്ന് പഞ്ചനക്ഷത്രഹോട്ടലുകളും പദ്ധതിയുടെ ഭാഗമായുണ്ടാകും. പദ്ധതിയുടെ രൂപരേഖയും മാതൃകയും ദുബായ് ഹോള്‍ഡിങ് ചെയര്‍മാന്‍ അബ്ദുല്ല അഹമ്മദ് അല്‍ ഹബ്ബായ് അനാവരണം ചെയ്തു.



Comments

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലനാട് ഓൺലൈനിന്റേതല്ല . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്