Main Menu

ട്രെയിന്‍ വരുന്നത് കണ്ടില്ല; സൈക്കിളോടിച്ച് നേരെ ട്രാക്കിലേക്ക്; ആളില്ലാ ലെവല്‍ ക്രോസില്‍ നടന്ന ഞെട്ടിക്കുന്ന വീഡിയോ

നെതര്‍ലന്‍ഡ്‌സ്: ആളില്ലാ ലെവല്‍ ക്രോസില്‍ നടന്ന ഒരു ഞെട്ടിക്കുന്ന വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. അപകടങ്ങളെ കുറിച്ച് ജനങ്ങള്‍ക്കിടയില്‍ ബോധവത്കരണം നടത്തുന്നതിന്റെ ഭാഗമായി വീഡിയോ പങ്കുവച്ചത് നെതര്‍ലന്‍ഡ്‌സ് റെയില്‍വേ വിഭാഗമാണ്. റെയില്‍വേയുടെ അനുബന്ധ പ്രവര്‍ത്തനങ്ങള്‍ നടത്തുന്ന ‘പ്രോ റെയില്‍’ എന്ന സര്‍ക്കാര്‍ സംഘടനയാണ് വീഡിയോ ആദ്യമായി പുറത്തുവിട്ടത്.

നെതര്‍ലന്‍ഡ്‌സിലെ ഒരു ആളില്ലാ ലെവല്‍ക്രോസില്‍ നടന്ന സംഭവമാണ് വീഡിയോയിലുള്ളത്. സൈക്കിളോടിച്ച് റോഡിലൂടെ വരികയായിരുന്ന യുവാവ് ദൂരെ നിന്ന് വരുന്ന ഗുഡ്‌സ് ട്രെയിന്‍ കാണുകയും സൈക്കിള്‍ ബ്രേക്കിട്ട് നിര്‍ത്തുകയും ചെയ്യുന്നു. ട്രെയിന്‍ പോയ ശേഷം സൈക്കിളെടുക്കുമ്പോള്‍ എതിര്‍ദിശയില്‍ നിന്ന് വരികയായിരുന്ന പാസഞ്ചര്‍ കണ്ടില്ല. തുടര്‍ന്ന് സംഭവിച്ചത് കാണാം…

തലനാരിഴയ്ക്കാണ് വലിയൊരു അപകടത്തില്‍ നിന്ന് യുവാവ് രക്ഷപ്പെട്ടത്. ലെവല്‍ ക്രോസിന് സമീപത്തായി സ്ഥാപിച്ചിരുന്ന ക്യാമറയില്‍ പതിഞ്ഞ ദൃശ്യങ്ങളാണ് ‘പ്രോ റെയില്‍’ പുറത്തുവിട്ടിരിക്കുന്നത്. സമൂഹമാധ്യമങ്ങളിലും യൂട്യൂബിലുമായി ലക്ഷക്കണക്കിന് പേരാണ് വീഡിയോ കണ്ടത്.



Comments

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലനാട് ഓൺലൈനിന്റേതല്ല . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്