Main Menu

ഒഡിഷയിലും ജാര്‍ഖണ്ഡിലും ഇടിമിന്നലേറ്റ് 21 പേര്‍ മരിച്ചു

ന്യൂഡല്‍ഹി: ഒഡിഷയിലും ജാര്‍ഖണ്ഡിലും ഇടിമിന്നലേറ്റ് 21 പേര്‍ മരിച്ചു. അതേസമയം മരിച്ചവരുടെ എണ്ണം 33 ആണെന്ന സ്ഥിരീകരിക്കാത്ത റിപ്പോര്‍ട്ടുമുണ്ട്. കൃഷിയിടത്തില്‍ പണിയെടുക്കുന്നവരാണ് ദുരന്തത്തിനിരയായതെന്നു ദുരന്തനിവാരണ സേന അറിയിച്ചു.

18 പേര്‍ ഒഡിഷയിലും മൂന്നു പേര്‍ ജാര്‍ഖണ്ഡിലും ഇടിമിന്നലേറ്റ് മരിച്ചതായി സര്‍ക്കാര്‍ അറിയിച്ചു. ഇടിമിന്നലേറ്റ 10 പേര്‍ അശുപത്രികളില്‍ ചികില്‍സയിലാണ്. ഒഡിഷയിലെ ഭദ്രാക്, ബലസോര്‍, കേന്ദ്രപര എന്നിവിടങ്ങളിലാണ് ഇടിമിന്നലുണ്ടായത്.

ഉത്തരേന്ത്യയില്‍ മഴക്കെടുതി തുടരുകയാണ്. രാജ്യത്ത് 20 സംസ്ഥാനങ്ങളെ മണ്‍സൂണ്‍ കാര്യമായി ബാധിച്ചിട്ടുണ്ട്. ഗുജറാത്തില്‍ പ്രളയത്തില്‍ ഇതുവരെ 213 പേര്‍ മരിച്ചെന്നാണു റിപ്പോര്‍ട്ട്. വെള്ളം ഇറങ്ങിത്തുടങ്ങിയാല്‍ കൂടുതല്‍ മൃതദേഹങ്ങള്‍ കണ്ടേയ്ക്കാമെന്നാണു നിഗമനം. അപ്പോള്‍ മരണസംഖ്യ ഇനിയും വര്‍ദ്ധിക്കും. ബംഗാളില്‍ ഇതുവരെ 31 പേര്‍ മരിച്ചു. മഴക്കെടുതി മിക്ക സംസ്ഥാനങ്ങളിലെയും വീടുകളും റോഡുകളും നശിപ്പിച്ചു. ആശയവിനിമയ സംവിധാനങ്ങള്‍ തകരാറിലായി. ദുരിതാശ്വാസ ക്യാംപുകളില്‍ നൂറുകണക്കിനു ജനങ്ങളാണ് കഴിയുന്നത്.



Comments

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലനാട് ഓൺലൈനിന്റേതല്ല . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്